التماس
ای دین الهی ده کی سرمایه ظهور ائت
وئر خاتمه تز غیبت کبرایه ظهور ائت
دین بایراغینی قویموری کافرلر اوجالسین
سن له اوجالار عرش معلایه ظهورائت
رشدی کیمی ملعون چوخالیر گونده جهاندا
توهین یازلیر عترت طاهایه ظهور ائت
آواره فلسطینلی اولور قانینه غلطـــــــان
ال قویدی جهود مسجد اقصایه ظهور ائت
گل کعبه نی آزاد ائله ظالـــــیم لر الیندن
ای قبله ی عالم یئره سال سایه ظهور ائت
مصرین خلف اولادی ائدیر جانینی قوربان
ایمانی یئتیر عالم معنایه ظــــــــــهور ائت
هر لحظه عراق ایچره اولان دینه وفادار
سسلیر سنی گل خاطر زهرایه ظهور ائت
بحرینه نظر سال باغیریر قانلی شهید لر
افغانی یانیر آتش اعدایه ظـــــــــهور ائت
گلسن پوزولار کاخ ستمگر بو زاماندا
قوس دوشمویه مظلوم داهی ای وایه ظهور ائت
درویش یولویون گوزلین انسان لارا تایدی
هر جمعه گلیر بیرده تمنایه ظـــهور ائت
شاعر: علی رحمانی
