بالاما قوربان ایلانلار ، بالام ناواخ دیل آنلار
بالاما قوربان سئرچه لر ، بالام ناواخ دیرچه لر
بالاما قوربان قارقالار ، بالام ناواخ دیل قانار
بالاما قوربان اینه کلر ، بالام ناواخ ایمه کلر
...
قیز قیزیل آلما ، ده ر یئره سالما ، مدرسیه گئت گل ، بئواختا قالما
قیز قیزیلا دؤنوبدور خبری یوخ اوغلانلارین
بو قیز دئییل قایقاناخدیر ، اره گئده جه ک قوناخدیر
گؤزل قیزام گلین آلین ، که بینیمه که تده ر سالین
قیزدی نازدی مین تومن آزدی ، میلیونلار گتیر ، گل بو قیزی گؤتور
...
گولو گولولر یارپاغی ، آستانالار تورپاغی ، بالامی نظروورانین ، گؤزونه
خیرداجا قیزیم بیرقطره ، گئتدی قیرنادان سو گه تیره ، آناسی دئدی دینقیلی سان ، کوزه نی سالیب سیندیری سان
...
گولو گولوله ر یارپاغی ، آستانالار تورپاغی ، بالامی نذر لییه نین ، گؤزونه بیبار یارپاغی ،
...
لای لای دئییم یاتاسان
گول غنچه یه باتاسان
گول غنچه لر ایچینده
شیرین یوخو تاپاسان
...
لالای بئشیگیم لای لای
ائویم ائشیگیم لایلای
سن یات شیرین یوخو گؤو
چه کیم کئشیین لای لای
...
لالای بالام جان بالام
من سنه قوربان بالام
آغلییبان باغریمی
گل ائله مه قان بالام
...
لای لای دئدیم بویونجا
باش یاسدیغا قویونجا
یات سن گول یاتاغیندا
باخیم سنه دویونجا
...
لای لای دئدیم یاتینجا
گؤزله ره م اویانینجا
زارا آمانا گلدیم
سن حاصیلا چاتینجا
...
لای لای امه ییم لای لای
دوزوم چؤره ییم لای لای
تانری دان عهدیم بودور
گؤروم کومه یین لای لای
