«الا، يا ايها‌الساقي، ادر كأسا و نا وِل‌»‌لر!



تهاجم‌دن‌ ده چوْخ ووردو خسارت بو تناول‌لر

سوْكولدو آلمانين بؤيرو، دليندي پوْرتاغال باغري


تالاندي خوانِ يغما تك ميز اوسته مئيوه- شيريني
صليبي‌لر كيمي بسكي ائديب حمله بو فاميل‌لر


خداوندا! بو «هابيل»‌لر، نه‌دن اوْلموشدو «قابيل»‌لر؟!

بير آي بايرامه قالميش، بسكي عرشه قالخدي قيمت‌لر
بازاردان بوْش قاييتدي سر به سربيچاره زنبيل‌لر

نئجه جمعيتي ائتسين بو حالدا كنترل انسان؟
مخارجلر! بئله گئتسه، اينان، جوت- جوت دوْغار فيل‌لر

مخارج‌ آتلي، آيليق‌لار پياده، يوْل يوْخوش، ياران
بو اوضاعين بيانيندا قاليب عاجز بوتون ديل‌لر


مگر ديمديكلريندن ياغديرا مينليك، ابابيل‌لر

تعجب ائتمه گر من سالميرام سس، ائتميرم ناله



مرحوم حمید آرش آزاد