چیله دی گؤز یاشینی گولشنی گولدوردو بولود

اسن آغ یئل قروون قارلی قیشین چکدی دیشین



دؤشه دی داغ دؤشونه اوستا دوغا اؤز ال ایشین





یام یاشیل اویلاغینا سوردو سورویله قوزونو

توتگین چالدی چوبان چکدی دابانین چپیشین

تئلینین تارلاسینی یئغدی بوروندو بولودا

اوندا کی گؤردو گونش آینا بولاغلاردا ائشین

سالدی گؤی قورشاغی قول بوینونا جیرانلی داغین

قوجاغین آچدی قایا ایلک اؤپوشون وئردی پئشین