هئچ بيلميرم نه ايش گليب باشيما

ايتيرميشم اؤزومده کى اؤزومو

فيکير خيال چاشديريبدى بئينيمى

ديسکينيرم ديليم توتمور سوزومو،،،،

 

سارماشيق تک سارينمى شام بو ائله

آخيب قانيم قاريميشام بو سئله

يانيب يانيب کول اولموشام ها بئله

اؤز کولومدو کور ائديبدى گؤزومو،،،

 

آغليم چيخيب باشدان داها کارى يوخ

سؤز کوته گين چوخ يئمشم داها چوخ

کؤيرک قلبى پارچالاييب دين اوخ

سونا چاتيب اؤره ک دکى دوزومو،،،،

 

آراز پارلاق اولدوز کيمى آخاردى

شيمشک ويران ايلديريم تک شاخاردى

ظولم ائدنى يانديراردى یاخاردى

سو چيله ييب سوندوردولر کوزومو،،،

اؤز کولومدو کور ائديبدى گؤزومو،،،،