داشا یازدیم سوزیمی گور نجه دوندی هاواسی

سن زلیخانی شماتت المه بلکده یوخدی چاراسی

 

گوز یاشیم آخدی گنه هر گجه‌دن صوبحه‌کیمی

سنه خاطیر قاریشیب گوز یاشیما قان یاراسی

 

نجه من یاددان آتیم سنله کچن گونلریمی

بیر مثل دی آتا بیلمز اوشاغی هچ آناسی

 

آی‌پارا سن کی بیلیرسن سنه خاطیر اولورم

خان چوبانین دا یوخی سن آیا بنزر ساراسی

 

 

آلآهیم نان دولانیب قبله‌گهیم دوندی سنه

گده ده یاد دوشوب قصه‌ی ترسایالاسی

 

گوزلریم یاشی آخیب گوزلمیشم تا گله‌سن

گلمدون نوری گدیب گوزلریم یوخ قاراسی 

 

تاپباجا اولدو منیم بو غزل و شعرلریم

هیچ بشر یوخدو مداوا الیسین یوخ داواسی

 

منی دیوانه ائدیب‌دی سنون او نازلی سسون

دوغماسین کاش سنه تای بیرده بو دنیا آناسی