پاسخ به:🌹 اشعار زیبای ترکی ... 🌹
دوشنبه 3 اسفند 1394 12:34 AM
((ای گول))
*****
ای گول نه روادور کی سنین عومرون آز اولسون
باغ باغچالارین گؤهری بیردن بئله سؤلسون
*****
سنسیز چمنین زینتی اولماز بیلیرم من
گولسوز چمنی نغمه لی بولبول نجه بولْسون
*****
عطرون إلییر مست و خورامان بیزی هرگون
انصاف دان اوزاقدیر سنی باغدا بیری یولسون
*****
بولبول دولانار باغچالاری گوللره خاطیر
عاشيق دی سنه چون کی بیلیر باغچادا بول سون
*****
بولبول سنه عاشیقدی بونو یاخشی بیلیرسن
گل قویما بو عاشيق سنه خاطر بئله اؤلسون
*****
گول اولماسا هچ واقت چمنین ارزیشی اولماز
قویما کی چمن ارزیشی سنلن یاری بؤلسون
*****
قوی پوسته دوداغلار آچیلا باغلار ایچینده
تا عشقینه عاشیقلر، ائییندن باغا دولسون
*****
سن جان وئریسن داغلارا چون جانلی بئزک سن
گوج وئر بو قوجا داغلارا قویما کی یؤرولسون
*****
ای گول بو«آمانسیز» داغینین زیوری سن سن
آچ غونچه لرین سئر بو داغا تا اوزو گولسون
*****
☆☆ خداوندا، اراده ام را به زمان کودکی بازگردان ☆☆
☆☆ همان زمان که برای یکبار ایستادن هزار بار می افتادم اما نا امید نمی شدم ☆☆
