غزل ترکی "معلم"
ای معلم بیزلی شاد ائیلدین
هر یئری گزدیقجه آباد ائیلدین
دوست لاری ارتیقجا دلشاد ائیلدین
بیر الف آلدین اله قویودن دالا
ایسته دین هر گون کلاس ساکت قالا
درسی هر گون دال بادال یاد ائیلدین
بیر دومان قوزاندی فریاد ائیلدین
هر سوزی شوخلوق قلمداد ائیلدین
اوندا گوردون میخ کیریب شالواریوا
بئیله ایش دوشمز سنین افکاریوا
بعضی گون لر حقه ایراد ائیلدین
گاه کلاسین وقتین ازاد ائیلدین
گاهدا کی خیر ایشده امداد ائیلدین
اوندا گوردون ماشینین پنچر اولوب
دال کاپوتدا چوخلی داش کسک دولوب
بیلمئدیم بیر گون بیه داد ائیلدین
بیزلری مکتبده اولاد ائیلدین
بیر حکیم تک چوخلی ارشاد ائیلدین
ایندی منده بیر قلم الدیم اله
یازدیغیم سوزلر دوشه دیلدن دیله
شاعر:علی رحمانی (درویش)