منیم دوزلو دنیزیم
منیم د و زلو دنیزیم ، گو روما سین آلا هیم اله بیر آنام آتام ، او لو پ گدیر
آلا هیم
یایدا گدیپ گورردیم، گم گوی سولاری آما ایندی الوپ بوتون دوز، گورور داها آلاهیم
گز یاشلاریم چوخ آزدی ، بو دنیزی دولدورا یوخسا من آغلا یاردیم ، دولا دنیز آلاهیم
اوشاخلیخدان من اونان خاطیره لر واریمدی الدورمه خاطیریمدن بو دنیزی
آلا هیم
هاردا قالیپ او قارلار ، او یامورلار یاغیشلار نیه یوخدی ، دا یاغمیر ، رحمتلرین آلا هیم
بیز دنیزی گوروددوخ ، بیز آناماز اینسانلار طبیعتی اونوتدوخ ، گوناه بیزده
آلاهیم
چایلارین یولون کسدیخ ، آغاشلاری اوتلادیخ باخچالاری گوروددوخ ، بیز ایلدیخ آلا هیم
دنیزی ایکی بلدوخ ، داشلارینان دولدوردوخ یارادان خوش یارادمیش ، بیز کورلادیخ آلاهیم
هر ایشدن چیخمیشخ بیز،سنی اونوتموشوخ بیز سن رحم ایله دا یاغدیر ، یاغیشلاری آلاهیم
یاغدیر دولسون دنیزیم، منیم سوسوز عزیزیم من اونو چوخ سویرم ، اینانگینان آلاهیم
هر ایش سنسن الینده، الوم ، حیات ،دیریلمخ گویما اولسون دنیزیم ،قادیر بویوک آلاهیم
بیر شی فقط ایستیرم ، منیم گوزل آلاهیم منیم اورمو دنیزیم ، گوروماسین آلاهیم
بیر داملا گؤز یاشین ،خلت ائیلیین
سیز الله سو-سوزدو ، اورمو گؤلونه
او قدر سو-سوزدو ، قلبی یانیری
بیر اویوج سو تؤکون ، اورمو گؤلونه
بو گؤلون آغریسی ، دونیا بویونجا
یئر-گؤی اونودوبدو اونو دویونجا
قانیمیز قوروسون ! گؤل قورویونجا
گلین بیز سو تؤکک ، اورمو گؤلونه
آغلایاق هدیه ائدک گؤز یاشلارینی
بلکه جان وئرک بیز ، اورمو گؤلونه
اوریین یانماییر ! آغلییا بیلمیرسن !
قان وئرک داماردان ، اورمو گؤلونه
بو گؤلون قازلاری هایانا گئتدی ؟
یام یاشیل یازلاری هایانا گئتدی ؟
کئیفینین سازلاری هایانا گئتدی ؟
سو وئرک سازلانسین اورمو گؤلونه
بیگانه باخاجاق ، اؤگئی بو گؤله
یانماسا دوغما اؤزو ، اورمو گؤلونه
هارداسان سن ائی ، گؤلون صاحبی ؟
بیگانه خور باخار اورمو گؤلونه
گلین آغلارکن ، بیز هدیه ائدک
بو قانلی گؤز یاشین ، اورمو گؤلونه
تحقیر بسدی ، گلین گلین آماندی
خار اولماق ایستمه ، اورمو گؤلونه
بیلمدیم هانسی اللر ! چایلاری کسدی
گوناه بس نه یمیش ، اورمو گؤلونه
بولاقلار گورودو ، نه بره بسدی ؟
میناس داغی آغلار ، اورمو گؤلونه
اگر موسلمانسیز ؟ روا گؤرمیین
بیر ایچیم سو وئرین ، اورمو گؤلونه