شعر ترکی زیبایی در وصف روز مهندس ...

 

تاپوپ روز مهندس آد بو گونده

مهندس لر اولالار شاد بو گونده

ایدللر بیر بیریندن یاد بو گونده

بو گونده جشن اولار برپا مهندس

 

گؤزل گوندی بیزه بو پنج اسفند

بو گونده علمه دنیا اولدی پیوند

او خواجه طوسی،فیلسوف،دانشمند

گلوب دنیایه بیر دانا مهندس

سنه فخر ایلیر دنیا مهندس

 

کتابلار یازدی هر ظلمه دایاندی

مغولار خواب غفلتدن اویاندی

اونون نامی همیشه جاوداندی

اونا یوخ بیر نفر همتا مهندس

سنه فخر ایلیر دنیا مهندس

 

مهندس گر ایشینده ایدسه دقت

اونا فرق ایلمز طراح،نظارت

دوز ایش گورسه اولار وجدانی راحت

تاپار شان و مقام والا مهندس

سنه فخر ایلیر دنیا مهندس

 

مهندس هر نقدر اولسا نیازدی

نجه زینت ویرن دینه نمازدی

نمای زینت شهر ساخت و سازدی

ایدر شهری گوزل ویلا مهندس

سنه فخر ایلیر دنیا مهندس

 

شاعر:شاپور علمی

 

عالی بود تشکر ویژه از شما

 

ساغول

الله صاخلسن