🌹 اشعار زیبای ترکی ... 🌹
گلميشم گؤزلرينين گؤرماقينا نازلي ياريم
مني قئيترمه الي بوْش باشيوا من دوْلانيم
نه گليب گولوم سنه دردين آليم سؤيله منه
ده گؤروم نه گلدي بيردن گؤزه ليم گولوم سنه
هاني اوْل قامت رعنا هاني اوْل حسن جمال
هارا گئتدي گؤزه ليم اي بئله سنده عشق و حال
سن كي يئرده اوْتومازدين گؤرورم كي ياتميسان
منه سن باخاردين اي گول نيه بس دا باخميسان
مني سن گؤرنده اي گول سئوينردين گؤزه ليم
بير اوْيان آچ گؤزونو گؤركي الينده دير اليم
من سنه جانيمي وئررم ايه لايق بوله سن
آلارام شادليقي من جانيمه بيرده گوله سن
☆ اوستاد محرم ☆
کؤنول قوشوم درد اَئلینن داغلیدی
زمانه ظلم ائدیب کؤنول قانلیدی
اَلیم چاتمیر سنه قؤلوم باغلیدی
سینهم خزان، قؤلوم قؤلا باغلیدی
اگر هیجرین منی درده بوروسه
سینیخ سازیم درد اَئلینن چوروسه
زیندان بان نعشیمی بنده سوروسه
آیریلماز اورئیم... اورئیم اورئیوا باغلیدی
صبا گولوم نامهمی یئتیر اؤُ یاره
سؤیله گؤز یاشیله گئدیم خیاله
اَئلیمده غم بادهسی بیرده پیاله
دیلیمده سؤزو صحبتی سنه باغلیدی
سؤزلری یازدیم اؤخو آغلاما
اؤرئیم داغلیدی... داها سنده داغلاما
گولوم داها منه اؤره باغلاما...
گئلممیرم قؤلوم قؤلا باغلیدی
سئودا یولو!...
عؤمرومو یاشادیم بیر یوخو قدر
بیر آزی غم اولدو، بیر چوخو کدر
دونیا بؤیله گلمیش، بؤیله ده گئدر
کئشکه یاشادیغیم اولماسین هدر
بو سئودا، بو آرزو، دیلک یولوندا!...
💖💖💖💖💖💖
عؤمرومو دوشوندوم بیر پاییز کیمی
سئوگیسی تالانمیش، غریب قیز کیمی
عؤمور قورویاجاق گؤی یارپیز کیمی
بیر یول گؤستره سن، اینجه ایز کیمی
سورونه- سورونه گلَک یولوندا!...
💖💖💖💖💖💖
عؤمرومو آخیتدیم، یوللار سولاندی
آغلادیم، گؤزومون یاشی بولاندی
بو دنیز نه داشان، نه ده دولاندی
یا من آنلامادیم، یا او یالاندی
اولمادی، بیر داملا بیلک یولوندا!...
💖💖💖💖💖💖
عؤمرومو اوچوردوم، دره لر دولدو
گؤنلوم « چیچک » لندی، ساچلاریم سولدو
بو، عؤمور اولمادی، دردی- سر اولدو
دردیم اؤیله سینه ساچینی یولدو
قیریلدی قول- بوداق، بیلک یولوندا!...
باخیرام عالمه من چوخلی پریشان گؤرورم .❤️❤️
بآخیب اؤز احوالیمده سنه حیران گؤرورم❤️❤️
یالواریب آلاهیماا عشق پایمی وئر دئیرم ❤️❤
اونی منن آلاسان ..جانیمی سن آل دئیرم ❤️❤️
گئجلر داش دؤشوری باشیما سنسیز اولورم ❤️❤️
آیا باخدیخجا گؤلوم اؤردا سنی من گؤروم.❤️❤️
یولداشیم غملراؤلوب داغلی اوریح همدم اؤلوب.❤️❤️
بئله بیلدیم سنی من دردیمه درمان گورورم ❤️❤
یئنه طاووس کیمی جولان ائله دین اللر وار
منى سرگشته وحیران ائله دین اللر وار
خبر اولدوم اونودوبسان بوتون ایلقاریمیزی
گئدیب اغیاریله پیمان ائله دین اللر وار
دالدالاردان باخیب حسرتله آلیشدیم یاندیم
کؤنلومو لاله صفت قان ائله دین اللر وار
هیچ بیلیرسن می بو حسرتده اوره ک قانیمیله
گؤزومون ياشينی مرجان ائله دین اللر وار
یارالی سینه می هر باخمادا زنبور ائوی تک
تیر مژگانیله شان شان ائله دین اللر وار
نئیله میشدیم سنه ای عاشیقینی درده سالان
منی هجرینده پریشان ائله دین اللر
آچ گویه اللریوی بیرده دعا ایله منه💛
گوزیاشیله یولاباخ سوزلریوی سویله منه❤️
بوکونول دفترینه یازغمیوین نامه سینی💜
بوغریبانه جانیم یاندی اولوم ایسته منه💙
یانیرالاه بواورک غم کدریم ارتیبدی💚
نیلییم ال یاراچاتمیر بویولی کسمه منه💛
نازلی دیلداریمه مین نامه یازیب گوندردیم❤️
گورمییب نامه لری باغلیدی قیترمه منه💜
بوقرنلیخ گجنین صبحی هاچان گورسنه جاخ💙
نیه بس چیخمیری گون، اونی چوخ گورمه منه💚
صبریمین اخیریدی یوخدی توان دیزلرده💛
سن بول الاه داهی ایوبی مثل چکمه منه❤️
☆ محسن فخری سیس ☆
دور گئداخ آی اورگيم يوخدى بيزه بوردا باخان
هامئنئن سئوگيلى وار بيرجه بيزوخ تک دارئخان
دور گئداخ آی اورگيم بلکه اورکلر آلئشا
يارئمئز رحمه گليب او بيزينن بير دانئشا
دور گئداخ آغلاماغا آغلاماسام من اؤله رم
دلی دیوانه اولوب سينه مى من مين بؤله رم
دور گئداخ بسدى اورک آز منی سن داردا بوراخ
بير اوزاخ يئرده گئديب آغلاماغا دينج اوتوراخ
دور گئداخ ايستميرم يار گؤره آغلاردى گؤزوم
قوی يارئم اينجيمسين بيرجه بودور سنله سؤزوم
دور گئداخ بلکه يارئن باشقا بير ايستکليسى وار
گؤزى يوللاردا قالئب آرزوسودور کی گله يار
دور گئداخ،اولما بيزيم قيسمتيميز گؤز ياشئدى
سببى يارئمئزئن ناز باخئشى گؤز قاشئدى
دور گئداخ آی اورگيم درديميزى بيز داشيياخ
آيرئلئقدان دانئشاخ ياردان اوزاخ بيز ياشيياخ
دور گئداخ حسرت اولوبدور بير عؤمور سئرداشئمئز
گئجه گوندوز بو کدردن آخاجاق گؤز ياشئمئز
دور گئداخ عاشيقه دونياده باخان اولماياجاق
بو سهندين اوزى والله بير عؤمور گولميه جاق
آیریلیق عشقه دوشن جانلاری ویرانه ائدر
آیریلیق عاشیقی مجنون کیمی دیوانه ائدر
آیریلیق عشقه یانان عاشیقی پروانه ائدر
آیریلیق بسدی منه گئل توت الیمدن گوزلیم
****
آیریلیق غمده یانان مجنونی مین درده سالار
آیریلیق دان سیخیلان سینیه غم غصصه قالار
آیریلیق شعری یازار شهرتی شاعیر آپارار
آیریلیق بسدی منه گئل توت الیمدن گوزلیم
سازا قالسین
دای کوچوره م بو یئرلردن
غم غصه میز آزا قالسین
بو یورد بیزه خاطیره ایمیش
ماهنی لارا سازا قالسین
داغلار بوران داغلار قاردی
بولبول گئدیب هر یئر ساردی
گوللرسولوب هر یئرخاردی
گول درمک لر یازا قالسین
دوست منی گوزدن سالسادا
اوره ک داغین غم آلسادا
منیم عومروم آز قالسادا
سیزین عومروز یوزه قالسین
ائل اوبالار اویماق اویماق
تورپاق فقط آنا تورپاق
داغلاری گئز بولاق بولاق
قوی خوش آنلار سیزه قالسین
بو دونیانین نه وارین نان
سئوینمه دیک بهارین نان
اوره ک دئدی ها یارین نان
قوی هیجران تک بیزه قالسین
☆ محرم عمی ☆
من دئدیم عاشیقم آی قیز، سن دئدین بوشلا آماندی
من دئدیم سن ده گؤزوم وار، سن دئدین سئوگی یالاندی
من دئدیم شمعه تای اُول سن، من ده پروانه تک اُوللام
سن دئدین بیر دایان اوغلان، بول بو یول درده سالاندی
من دئدیم هئچ بولوسن کی نیه بو کونلوم اُولوب بیر کاسا قان
سن دئدین بَللیدی گؤز اُوخ دی قاشیمدا کی کاماندی
من دئدیم سئوگی منی بیر قوجا اوغلان الییب
سن دئدین آی قوجا مجنون یئری گئت لیلی جاواندی
💕💕💕💕💕💕💕💕💕
ای قلبیمین احساسی دایان بیر نفس آل گت
بیر آز-جانا بو کلبه ی ویرانه ده قال گت
💞💞💞💞💞
دای گوزلریمین نوری دوشوب ال ، اَلَیاقدان
سن بیر یوخوی استونده منی یادوه سال گت
💞💞💞💞💞
فرش ایلمیشم خاطریمی پله لر اوسته
بو توزلو خیالی منیچون گَل گوتی چال گت
💞💞💞💞💞
عکسون نه قَدَر تاقچالدا توزلانسون عزیزیم
میسماری گوتور قلبیمه تصویرووی چال گت
💞💞💞💞💞
بو اولکده سنن یاشادیم حینِ جوانلیق
بیر دفعه ده گَل منّت ادیب بوردا قوجال گت
💞💞💞💞💞
یاندی قورولوخدان دوداغیم ، یاغمادون ، افسوس
هردن بو سوسوزلار باشینا سایووی سال گت
💕💕💕💕💕 💕 💕 💕
یاغیش یاغ☔️🌧
یاغیش یاغ نه گوزل☔️🌧 یاغیرسان☔️🌧
نه گوزل اوریمی سولاییرسان
یاغیش یاغ کونلومه بیر نظر سال☔️🌧
باخ نیسگیللی گوزلره
گور کی نئجه سنه باخیرلار
اورک سوزلرسنی گوروپ داشیلار☔️
سوزلرینی غملی غملی سنه دئیرلر☔️🌨
گوز یاشلاری سنی گوروپ اخیرلار☔️🌧
چایلار دولور سنین یاغینتیندان☔️🌧
گوزیاشلاری دولوب پرم پرم اخیرلار ☔️🌨
یاغیش یاغ قارابولوتلارین رنگی بیراز اغارسین☔️🌧
گونش چیخسین بیراز اورک اچیلسین☔️🌧
اورک دولوب گوزلر پادار یاغماسین☔️🌧
سوزلرینی گیزلدیب یئرین وئریب قارا گوزدن اخماسین
یاغیش یاغ نه گوزل☔️🌧 یاغیرسان☔️🌧
یاغیش یاغ قارا بولوتلارین رنگی بیراز اغارسین☔️🌧
🌱🌱🌱🌱🌱🌱🌱🌱🌱🌱
داریخما قارتالیم سوسما آماندير
گونشين قارشیندان دومان قاچاجاق
گئجه نین باغریندا چیرپینان سحر
یئنی دن بیر آیدین ایشیق ساچاجاق
💕💕💕💕💕💕💕💕💕
آزادلیق اوغروندا چالیشان اینسان
اولدوزو یوخلادار اؤزو یوخلاماز
عدالت بایراغین گؤیه قالدیران
قوللاری یورولماز گؤزو یوخلاماز
💕💕💕💕💕💕💕💕💕
آه قوجا یوردومون قوجا قارتالی
یورولماز قانادین قولون وار سنین
سنسن حقیقتین دوزگون ائلچیسی
بیر تانری به ین میش یولون وار سنین
💕💕💕💕💕💕💕💕💕
من سنی آتمارام دونیالار بویو
نه قدر جانیمدا جانیم وار منـیم
قورقود نوه سی یم، بابک اوغلویام
غئیرت داماریمدا قانیم وار منیم
🌱🌱🌱🌱🌱🌱🌱🌱🌱🌱
💕غریب بیر حال💕
نئچون آخشاملار دؤلور اوره ییم
ازلدن بو منه غریب بیر حالدیر
هئچ قراریم گلمیر ائویده اشیکده
بیلمیرم ایچیمده نه قالماقالدیر
💕💕💕
قارانلیق چؤکنه ییر قلبیم توتولور
گونون باتار چاغی دوزوم قوتولور
داریخماق کؤنلومه یانار اوتولور
کیم بیلیر اوره کده نه چالهاچالدیر
💕💕💕
هئچ بیلمیرم کیمین یؤلون گؤزله ییم
باخیشیمی هانسی یؤلا دوزله ییم
چوخ ایستیرم ایسته ییمی گیزله ییم
بو هیجران دردینه درمان ووصالدیر
💕💕💕
"اومود"ام هر آخشام یار گلیشینه
قاش قارالان زامان بیر گولوشونه
یارادان، عاشیقین ال آت ایشینه
یاریم گئدیب گلمیر گورنه ماجالدیر
☆ شاعیر:اومود زنگانلی ☆
🌙⭐️🌙⭐️🌙⭐️🌙⭐️🌙⭐️🌙
من سنی بيله رک بؤلورم وطن
🌙⭐️🌙⭐️🌙⭐️🌙⭐️🌙⭐️🌙
شاعير: اکبر میزانی( سهند تبريزلى)
.........................................................
.........................................................
آغلاسئن اورگيم سون گونه کيمى
داغلاسئن اؤنونه گلن هر کيمى
باغلاسئن آغزئنى سسله سين کيمى
سسله سين کؤنولدن اؤلورم وطن
من سنی بيله رک بؤلورم وطن
.........................................................
آغاجى ايچيندن يئير اؤز قوردى
ساتقئنلار ساتدئلار توپراقى يوردى
بير کؤپک قالخئبدا يئسه بوزقوردى
گوناهى اؤزومدن گؤرورم وطن
من سنی بيله رک بؤلورم وطن
.........................................................
ديليمدن دوشميير آزربایجانئم
من اونا دئييرم قورباندور جانئم
بو يولدا بیلمیرم کيمه اينانئم
يالاندان کؤکسومه دؤيورم وطن
من سنی بيله رک بؤلورم وطن
.........................................................
کدرلر ايچينده کؤوريه دؤندوم
ساتانلار الينده کوريه چؤندوم
اودييديم زامانه پوفله دی سؤندوم
کول اولوب توپراقا دؤنورم وطن
من سنی بيله رک بؤلورم وطن
.........................................................
بير ائلى مین يئره يارئب بؤلدولر
اوتوروب اوزاقدان باخئب گولدولر
چوخلارى قورخودان سوسوب اؤلدولر
"سهندم" بو درده گولورم وطن
من سنی بيله رک بؤلورم وطن
من سنى بيله رک بؤلورم وطن
.........................................................
.........................................................
يوردوموزو قوروماق اوچون جاندان کؤنولدن چالئشماليوق
( سهند تبريزلى)