🌹 اشعار زیبای ترکی ... 🌹
دلبریم غملی اورکدن گنه دردیم جوشدی
غملی سوز غملی اورکدن قولاغ آسماق خوشدی
✨✨✨✨✨✨
بیری مجنون کیمی دونیایه گلیب قویدی اثر
مینلری آلدی قلم اول اثره سوز قوشدی
✨✨✨✨✨✨
بو حکایتلری مینلراشیدیپ اولدی دلی
چوخی دا گلدی اشیدمزقولاق آسدی کشدی
✨✨✨✨✨✨
عشق بیراود دی کی خاصیتی یاندیرماقدی
یاندیرارباخماز اوره کلرقورودی یا یاشدی
✨✨✨✨✨✨
دردینی بیلسن اگر یانمیاسان واردی عجب
رجعت ایله اورگه باخ گوراورکدی داشدی
✨✨✨✨✨✨
کیم اگرعاشق اولایوللاری باش اوسته گدر
بونا باخمازکی آیاغ یولدا گدر یا باش دی
💐❤️💐❤️💐❤️💐❤️💐❤️💐
"عشق یعنی".......
💐❤️💐❤️💐❤️💐❤️💐❤️💐
شعر: اکبر میزانی( سهند تبريزلى)
.......................................................
.......................................................
عشق یعنی کیم بيلير سن هارداسان
کیم بيلير سن اؤلموسن يا قالمئسان
.........................................
عشق یعنی بير عؤمور گؤز آغلاسئن
بير اورک يانسئن اؤزون هی داغلاسئن
.........................................
عشق یعنی يوللارا باخسئن گؤزون
آيرئلئقدان گونده اؤلدورسون اؤزون
.........................................
عشق یعنی هارداسان غوربتده سن
يار ايشئقدا سن قارا ظولمتده سن
..........................................
عشق یعنی حسرتين وار بير قوجاق
اولدى دونيادا يئرين تک بير بوجاق
.........................................
عشق یعنی سن ياشاد اؤز ياريوى
اؤل آما بيلديرمه آه و زاريوى
........................................
عشق یعنی سن دولان یار باشئنا
گونده قوربان اول اونون گؤز قاشئنا
.........................................
عشق یعنی دؤنمه يولدان بير کلام
آل اورک سن نازلی ياردان والسلام
.........................................
عشق یعنی وار "سهندين" ناله سی
قوی اوخونسون عشق یعنی نامه سی
........................................................
........................................................
💐❤️💐❤️💐❤️💐❤️💐❤️💐
💐❤️💐❤️💐❤️💐❤️💐❤️💐
🍃ياد اولسون عزيزيم سنه عشقيم قاریشان گون🌺
🍃پالچيخ دووار آلتيندا غميلن تانیشان گون🌺
🍃سن دن سورا من بوردا خزل لر شاهي اولدوم🌺
🍃اؤد سالدی غميم عالمه ؛ قلبيم آلیشان گون🌺
🍃تر باسدي مني ؛ ايستي نفس سينَه مَه دولدي🌺
🍃سن سيز ئورگيم سينه مين ايچره چالیشان گون🌺
🍃بير دفعه آنام سود وئريب آغزیم داد آپاردی🌺
🍃دادلاندي ديليم بيرده سني لن دانیشان گون🌺
🍃ايندي داريخیر اِئو منيچين ؛ مَنده كوچه ايچين🌺
🍃ائودن كوسر اولدوم كوچه نيزلن باریشان گون🌺
🍃كؤنلوم داريخیب ؛ هاردا قالوب بيلميرم آخر🌺
🍃قلبيم ده اؤلان حسّي لن عقليم آتیشان گون🌺
💕💕💕💕💕💕💕💕💕💕
گلميشم گؤزلرينين گؤرماقينا نازلي ياريم
مني قئيترمه الي بوْش باشيوا من دوْلانيم
نه گليب گولوم سنه دردين آليم سؤيله منه
ده گؤروم نه گلدي بيردن گؤزه ليم گولوم سنه
هاني اوْل قامت رعنا هاني اوْل حسن جمال
هارا گئتدي گؤزه ليم اي بئله سنده عشق و حال
سن كي يئرده اوْتومازدين گؤرورم كي ياتميسان
منه سن باخاردين اي گول نيه بس دا باخميسان
مني سن گؤرنده اي گول سئوينردين گؤزه ليم
بير اوْيان آچ گؤزونو گؤركي الينده دير اليم
من سنه جانيمي وئررم ايه لايق بوله سن
آلارام شادليقي من جانيمه بيرده گوله سن
💕💕💕💕💕💕💕💕💕💕
هر باغین هر باغچانین بیر بولبول شیداسی وار
هر دویان قلبین، عزیزیم ، گیزلی بیر سوداسی وار
روحو اوخشار، قلبی اوخشار اینجه بیر جانان سسی
گاه گولر، گاه آغلایار، هر دمده بیر معناسی وار
جان آلان هر نغمه نین معناسی یالنیز عشقدیر
گؤز گؤروب ال چاتمایان اولدوزلو بیر دونیاسی وار
درد هیجران گونلریله عؤمرو اودلاردان کئچر
هر کؤنول بیر کارواندیر، بیر سوسوز صحراسی وار
بویله بیر سؤز وارکی، وورغون ایندی بیر مجنون اولوب
شعر و صنعت آدلانان نازنده بیر لیلاسی وار
☆ صمد وورغون ☆
💐❤️💐❤️💐❤️💐❤️💐❤️💐
" يئنى حیات"
💐❤️💐❤️💐❤️💐❤️💐❤️💐
شاعير: اکبر میزانی( سهند تبريزلى)
.........................................................
.........................................................
دونيا گئچيجيدير زامانى واردئر
زامانى دونيانئن داها دا داردئر
اؤلوم دئدييميز نديرکى دوستلار
هر قئشئن سونوندا يئنه باهاردئر
.........................................................
گئجه دن گوندوزه ايشئق گؤندرن
گوندوز ايشئقئنى گئجه سؤندورن
گوندوزون گونشين ياخئب دؤندرن
قارانلئق گئجه یه آيئ دا واردئر
.........................................................
بو دونيا بیته جک قالان بير آد دئر
سهندين دئديگى داد دى فرياد دئر
اؤلومدن قورخمايئن اؤلوم بيزلره
أزلدن باشلانان "يئنى حيات" دئر
.........................................................
.........................................................
💐❤️💐❤️💐❤️💐❤️💐❤️💐
💐❤️💐❤️💐❤️💐❤️💐❤️💐
ﺻﺒﺮ ﺍﻳﻠﻪ ﻛﻮﻧﻮﻝ ﻣﺤﻨﺖ ﻫﺠﺮﺍﻧﻪ ﺗﻠﺴﻤﻪ
ﺩﺭﺩ ﺍﻫﻠﻲ ﻳﺌﺘﺮ ﺻﺒﺮ ﺍﻳﺌﻠﻪ ﺩﺭﻣﺎﻧﻪ ﺗﻠﺴﻤﻪ
ﻳـــﻮﺳﻒ ﺩﻩ ﺯﻟﻴﺨﺎﻧﻲ ﻣﺤﺒﺖ ﻟﻪ ﺳﻮﻳﺮﺩﻱ
ﺳﺎﻟﺪﻳﺮﺩﻱ ﺯﻟﻴﺨـﺎ ﺍﻭﻧﻲ ﺯﻧﺪﺍﻧـﻪ ﺗﻠﺴﻤـﻪ
ﺩﻧﻴﺎﻳـﻪ ﻭﻓﺎ ﺍﻳﺌﻠﻤﻪ ﭼﻮﺥ ﺁﻏﻼﻣﺎ ﻛﻮﻧﻠﻮﻡ
ﺩﻧﻴﺎ ﻧﻪ ﻭﻓﺎ ﻗﻴﺌﻠﺪﻱ ﺳﻠﻴﻤﺎﻧــﻪ ﺗﻠﺴﻤــــﻪ
ﮐﺎﻡ ﺁﻟﻤﯿــﻪ ﺟﺎﻕ ﺁﯾﺮﯾﻠﯿﻘﺎ ﺑﺎﻋﺚ ﺍﻭﻻﻧﻼﺭ
ﻋﺎﺷﻴﻖ ﭼﺎﺗﺎﺟﺎﻕ ﺳﺌﻮﮔﻴﻠﻲ ﺟﺎﻧﺎﻧﻪ ﺗﻠﺴﻤﻪ
گؤزلیـم گل قونـوشاق بیـرگه اورک دن دانیـشاق
سئوگی دن، آرزیـلاریـمدان ، گَـلـه جـک دن دانیشاق
بیــزکی بیـــر عؤمـر بـو زنـدان دا قـالانـلار دَه ییلیک
بـاش ووراق گـولشنه بیـریـولدا چیچک دن دانیشاق
دویغومـوز چــوخ آخـار اولسون سؤزومــوز أن دادلـی
سوسوزا ســو ، آجــا البتــّه چــؤرک دن دانیشاق
قلبیـمی آل الیم اوستوندن آخــار قانیـمی گـؤر
قلم آلتیندا سینان بـاغلــــــی بیلک دن دانیشاق
ایستیـرم گـوزگو اولام یئــرله شه سن کؤنلومده
حُسنیـوه تـانـری وئـرَن بـوْللو بـه زک دن دانیشاق
«آنا» (باش ساری تل)
آنام منه بیر گونش تک
عشقين یانان چراغی دیر
کیمسه اولماز تای آناما
حیاتیمین دایاغی دیر
*****
آنالارین ذیل نواسی
لایلاسینین وار صفاسی
خسته لرین سیر داواسی
آنالارین قوجاقی دیر
*****
اؤره گیمده گوللر آچان
گؤزلریمده ایشیق ساچان
لاپ گونشه دوغرو قاچان
آنامیزین آیاقی دیر
*****
آنالارین سیل گؤزونو
آنناگینان بیل سؤزونو
سؤندورموین ائل کؤزونو
آنالارین اوجاقى دیر
*****
،،آمانسیزین،، وار هاراسی
یوخدور اونون هچ چاراسی
اؤره یینین ساغ پاراسی
آناسینین فراقى دیر
*****
،،آمانسیز،، حسین شاهمرادی
حیف اولا درد اهلینی دنیاده خندان گورمدیم
بی ریا عاشقلری بی درد و حرمان گورمدیم
کیم آپاردی قبرینه قصروطلا سین دهریده
بیرکسه ایتسین وفا ملک سلیمان گورمدیم
قویمادی انسان ایاقین ساحل آسایشه
چاتسین اوز مقصودینه قارون وسلطان گورمدیم
کیم محبت ایلدی تز باور ایتدیم جان دیدیم
آشنالردن دریغا عهد و پیمان گورمدیم