🌹 اشعار زیبای ترکی ... 🌹

💞یولداشین عشقینده زندان لار منه می خانه دیر💕💕           

           💞  دونیا یولداش سیز منه هر لحظه سی ویرانه دیر💕💕

💞جان ندی یولداش یولوندا ایستسه قربان ائدم💕💕                 

                         💞  بی وفالار فیکر ائدر یولداش بوتون افسانه دیر.💕💕

💐❤️💐❤️💐❤️💐❤️💐❤️💐

"سهندييم من بو ائلين"

💐❤️💐❤️💐❤️💐❤️💐❤️💐

شعر: اکبر میزانی( سهند تبريزلى)

.........................................................

.........................................................

من بو ائلين جوشان ديلى

من بو ائلين اسن يئلى

من بو ائلين آخان سئلى

سهندييم من بو ائلين

سئندئرانماز کيمسه بئلين

.........................................................

دوداقلارئن سؤزى منم

عاشئقلارئن سازی منم

ياناقلارئن نازی منم

سهندييم من بو ائلين

سئندئرانماز کيمسه بئلين

.........................................................

آی اولدوزون نيشانييام

من گوندوز ارمغانييام

حاق سؤزلرين عونوانييام

سهندييم من بو ائلين

سئندئرانماز کيمسه بئلين

.........................................................

چکسه لرده دارا منی

اؤلدورسه ده يارا منی

گتيرنمز زارا منی

سهندييم من بو ائلين

سئندئرانماز کيمسه بئلين

.........................................................

من تاريخين مدرکييم

ائل اوباما متکييم

من بو چاغئن بابکييم

سهندييم من بو ائلين

سئندئرانماز کيمسه بئلين

........................................................

دوغولموشام من غزلدن

قورخمامئشام من خزلدن

تورک اولموشام من ازلدن

سهندييم من بو ائلين

سئندئرانماز کيمسه بئلين

.........................................................

.......................................................

💐❤️💐❤️💐❤️💐❤️💐❤️

گؤزلرين سنین

💐❤️💐❤️💐❤️💐❤️💐❤️

شعر: اکبر میزانی( سهند تبريزلى)

................................................

................................................

گؤزلرين دنيزدير بوغاجاق منی

تانرئ دئر يئنيدن دوغاجاق منی

دالغالى سئللره سوخاجاق منی

ياندئرئب ياخاجاق گؤزلرين سنین

.........................................

قاپاتما گؤزلرين گونش چئخاندا

عالمه گؤزوندن ايشئق آخاندا

سئوينجلى اورکلر سنه باخاندا

سوزولوب آخاجاق گؤزلرين سنین

.........................................

او گؤزلر دوغولوب غزل باغئندا

يئر آلئب گؤيلرين زيروه طاغئندا

يارادان يارادئب سئوگى چاغئندا

سئونلر تاپاجاق گؤزلرين سنین

.........................................

گؤزوندن اوخشايئر سئوينجين قوخو

اوخو سن "سهندين" قوشماسئن اوخو

گؤرميه گؤزومون ايشئقى يوخو

گؤزومى آچاجاق گؤزلرين سنین

....................................................

....................................................

💐❤️💐❤️💐❤️💐❤️💐❤️

💐❤️💐❤️💐❤️💐❤️💐❤️

دلبریم غملی اورکدن گنه دردیم جوشدی

غملی سوز غملی اورکدن قولاغ آسماق خوشدی

✨✨✨✨✨✨

بیری مجنون کیمی دونیایه گلیب قویدی اثر

مینلری آلدی قلم اول اثره سوز قوشدی

✨✨✨✨✨✨

بوحکایتلری مینلراشیدیپ اولدی دلی

چوخی دا گلدی اشیدمزقولاق آسدی کشدی

✨✨✨✨✨✨

عشق بیراود دی کی خاصیتی یاندیرماقدی

یاندیرارباخماز اوره کلرقورودی یا یاشدی

✨✨✨✨✨✨

دردینی بیلسن اگریانمیاسان واردی عجب

رجعت ایله اورگه باخ گوراورکدی داشدی

✨✨✨✨✨✨

کیم اگرعاشق اولایوللاری باش اوسته گدر

بونا باخمازکی آیاغ یولدا گدر یاباش دی

حایات سنی داغلاسادا 

یول لارینی باغلاسادا 

کدرلی غم چاغلاسلدا 

                 نه سات نه آت یاخین دوستو ✨💕

گؤزونده ن آخسادا یاشین 

قوجالسادا جاوان یاشین 

چاتمالاسا حایات قاشین 

                   نه سات نه آت یاخین دوستو ✨💕

حایاتینی دومان آلسا 

وارلیغینی گومان آلسا 

فلک غملی هاوا چالسا 

                      نه سات نه آت یاخین دوستو ✨💕

کونلونوده یاخار سنه 

گوزل هاوا چالار سنه 

گدر هامی,, قالار سنه 

                       نه سات نه آت یاخین دوستو✨💕

🌹نیسگیله خاطیر یازیرام🌹

ائلیمه عاشیق اولاندان ائله خاطیر یازیرام.

اءوز دیاریمدا قاداقلی دیله خاطیر بازیرام.

آنا یوردومدا اسیرم نه آدیم وار نه سانیم.

دار قفسده یاشایان بولبوله خاطیر یازیرام.

باخیرام گولشن آرا گول چیچه یه آغلایاراق.

یاز گونو رنگی سارالمیش گوله خاطیر یازیرام.

چوخلاری نغمه یازیر نازلی نیگارین تئلینه.

منده حسرتله آغارمیش تئله خاطیر یازیرام.

اینجه بئلدن یازا یازدیر ائل آرا من قارا گون.

قم یوکویلن ساجا دءونموش بئله خاطیر یازیرام.

گءوز آچاندان بئله دونیادا سئوینج حسرتیم.

داغلی سینه مده قالان نیسگیله خاطیر یازیرام.

منده آیریلمازام ائللر قم الیندن داریخیب.

گاه آرازداان سءوز آچیب گاه لیله خاطیر یازیرام.

 ﺳﺌﻮﮔﯿﻠﯿﻢ ﺑﯿﺮ ﺑﯿﻠﻤﻪ ﺩﯾﻦ ﺳﻨﺴﯿﺰ ﻧﻪ ﻣﺤﻨﺖ ﭼﮑﻤﯿﺸﻢ

ﺑـﯽ ﻭﺟــﻮﺩ ﺍﻏﯿـــﺎﺭﻟﺮﺩﻥ ﭼـــﻮﺥ ﺍﺫﯾّﺖ ﭼﮑـــﻤﯿﺸﻢ

ﺫﻭﻕ ﻭﺻﻠﯿﻦ ﺧﺎﻃﺮﻩ ﮔﻠﺪﯾﮑﺠﻪ ﻏﻤﺪﻥ ﺁﻏﻼﺭﺍﻡ

ﺍﺅﺯﮔﻪ ﺑﯿﺮ ﺟﺎﻧﺎﻧﻪ ﺳﺎﻧﻤﺎ ﺩﯾﻠﺪﻩ ﺣﺴﺮﺕ ﭼﮑﻤﯿﺸﻢ

ﻣﻪ ﺟﻤﺎﻟﯿﻦ ﮔﺆﺭﻣﻪ ﯾﻪ ﺑﯿﮕﺎﻧﻪ ﻓﺮﺻﺖ ﻭﺋﺮﻣﻪ ﺩﯼ

ﺻﺒﺢ ﺍﻭﻟﻮﻧﺠﺎ ﻫﺮ ﮔﺌﺠﻪ ﮐﻮﯾﻮﻧﺪﺍ ﻧﻮﺑﺖ ﭼﮑﻤﯿﺸﻢ

ﺑﯿﻮﻓﺎﻟﯿﻖ ﺭﺳﻤﯿﻨﯽ ﺗﺮﮎ ﺍﺋﺖ ﺩﺋﺪﯾﻢ ﺗﺮﮎ ﺍﺋﺘﻤﻪ ﺩﯾﻦ

ﺳـﻨﺪﻥ ﺍﻭﺗﺮﻭ ﯾـﺎﻟﻮﺍﺭﯾﺐ ﺍﻏﯿـﺎﺭﻩ ﻣﻨّﺖ ﭼﮑـــﻤﯿﺸﻢ

ﻭﺻـﻞ ﯾـﺎﺭ ﺍﻭﻟﻤــﺎﺯ ﻣﯿﺴّﺮ ﻫـﺮ ﺑﻼﮐﺶ ﻋﺎﺷﯿﻘﻪ

ﻣﻦ ﺻﺪﺍﻗﺘﻠﻪ ﺑﻮ ﯾﻮﻟﺪﺍ ﭼﻮﺥ ﻣﺼﯿﺒﺖ ﭼﮑﻤﯿﺸﻢ

ﻧـﺎﺯﻧﯿﻨﻠﺮ ﻭﺻــﻠﯿﻨﻪ ﻣﻦ ﻧـﺎﯾﻞ ﺍﻭﻟﺴــﺎﻡ ﺣــﻘﻠﯽ ﯾﻢ

ﭼﻮﻥ ﮐﯽ ﭼﻮﺥ ﻣﻬﭙﺎﺭﻩ ﻟﺮ ﻋﺸﻘﯿﻨﺪﻩ ﺯﺣﻤﺖ ﭼﮑﻤﯿﺸﻢ

ﺍﺅﺯﮔﻪ ﻧﯽ ﺩﯾﻨﺪﯾﺮﺩﯼ ﺍﺅﺯ ﯾﺎﺭﯾﻢ ﻣﻨﯽ ﺩﯾﻨﺪﯾﺮﻣﻪ ﺩﯼ

ﺍﯾﻨﺪﯼ ﮔﺆﺭ " ﻭﺍﺣﯿﺪ " ﺧﺠﺎﻟﺘﺪﻥ ﻧﻪ ﺫﻟّﺖ ﭼﮑﻤﯿﺸﻢ

☆ ﻋﻠﯽ ﺁﻗﺎ ﻭﺍﺣﺪ ☆

گولشنده گئچیب فصلی گولون فصل خزاندی

یوللاردا قالیب گؤزلری مجنونین حالی یاماندی

لیلاسی گلیب چیخمادی آواردی مجنون

هرلحظه گئدیر گلمیری آمما عشقی تالاندی

اسدی قره یئل چارپالاغین یخدی آی الله

سانکی گونونه پرده چکیب چراغی سؤندی

احوالینه آغلار دنیاده اولان عاشق وسرمست

مجنون دا اؤلوب گئددی ولی خاطری قالدی

☆ محسن فخری سیس ☆

 🌿🌸💫🌷🌿🌸💫🌿

💫🌷🌿🌸💫🌷🌿🌸

اورگیم قان دی  فلک دن   فلکی  خار اولسون

گنیش عالمده گوروم هر لحظه اونو زار اولسون

💓💓

منی هر لحظه بو دنیا ده پریشان ائلدی

بو خمار گوزلریمی گور نجه گریان ائلدی

💓💓

آیریلیقلار ادونا سینه می یاندیر دی فلک

شاختادان اللریمی ظلمیله دوندور دی فلک

💓💓

قویمادی ناله سسیم دن یوخو  گلسین گوزومه

باخمادی او جانی یانمیش نه یالان نه دوزومه

💓💓

چوخ شقاوتله بوتون وارلیقیمی آلدی فلک

نه یامان گونلره یورقون جانیمی سالدی فلک

💓💓

شعر:شکیل ماهنی

🌿🌸💫🌷🌿🌸💫🌷

💫🌷🌿🌸💫🌷🌿🌸

 🌺 🌺

عشقون بولاغین قویما بولانسین کی دراولماز

عشقئن یولونی دوز گیده هر کیمسه یورولماز

هر کیمسه گلیب عاشیقه لایق اولا بولمز

بو مکتب عشق ایچینده  یالان اولمیوب اولماز

گر آغلاماسا قاره بولوط غنچه گول آچماز

گر گولمسه گول درد و غمه چاره تاپولماز

💞💞💞

گلشنده گولون قیمتی گولدور گوله بولسه

نامرد الی سیندیرماسا بو شاخه نی سولماز

💖💖💖

بیر عومر چکوب نازینی بولبول آچا بیر گون

درد اهلی اولان غنچه لنن شاخه نی یولماز

💕💕💕

عشق اولماسا عالمده گوزلیک گوزه گلمز

بو چارداغی قویما یخا یئل بیرده قورولماز

 آیریلیق سالدی منی چوللره دیوانه کیمی

آیریلیق وئردی یارا قلبیمه بیگانه کیمی

آیریلیق آلدی الیمنن او گوزل یاریمی حیف

آیریلیق قویمادی جانیم یانا پروانه کیمی

آیریلیق دردی یانان قلبیمی یاندردی منیم

آیریلیق ائتدی منه دنیانی ویرانه کیمی

 اون سوزدا عومورون سونو فانیدی/یارب یاخشیلاری درده دوشمه سین

کیمین کی قلبینده یوخدو یامانلیق/یامان گونه یانان یئرده دوشمه سین

حکمتلی سوزلردن تیکدیم بیر قالا/احسن او کیمسه یه عاقلیندا قالا

یا قادین یا کیشی حیالی اولا/هیچ کیمین اوزوندن پرده دوشمه سین

غمکش یازیب یارات آدلییر هر آن/اون سوزدا هئچ کیمه قالماز بو دوران

طالع قیسمه تینی پایلایان زامان/ذلیل لیک یوخسوللوق مرده دوشمه سین

قورتاریب طاقتیم قورتارمیر غمیم

تیتره ین دیزلره   یازیغیم   گلیر

گزدیگیم یوللاردا یاغان یاغیشا

سیلنمیش  اِیزلره  یازیغیم گلیر

آخیب سان گؤزومدن سن یاش اولوبسان

پاییزدا یاپراق تک یامان سولوبسان

قارا بولوت اولوب ائله   دولوبسان

نیسگیللی  سؤزلره   یازیغیم گلیر

گیزلی جه سئومیشم سن گوزل یاری

یئتیر سؤزلریمی آی اولو   تاری

یئتیشسین سئوگیمه او بیلسین باری

آغلایان   گؤزومه   یازیغیم گلیر

«شاهیدین» سؤزونو سن اینانمادین

آیاق ساخلامادین یار   دایانمادین

الیمی  الینه  هئچ  آلانمادین

سارالمیش اُوزومه یازیغیم گلیر

                       *  شاهید کریم*

 ، ❤️💕❤️💕❤️💞❤️💕❤️💕❤️💕❤️

اود وورما سن منیم جانیما یانمیشام اؤزوم

سن سیزلیگی گؤروب گؤروب اودلانمیشام اؤزوم

هئچ ایسته مز کوسوب دییه سن "گئد "٬ جانیم یانا

من اودلو گؤزلرینده بونو قانمیشام اؤزوم

چوخداندی سن منی تانیمیرسان عجب دئییل

چوخداندی سئوگیلیم ! اؤزومی دانمیشام اؤزوم

سن سیز بئله اؤلوم ده گلیب تاپماییر منی

باخ اؤز ایچیمده گؤر نئجه قویلانمیشام اؤزوم

سیندیردی حسرتین یئنه سن سیز غزل بئلین

سیندیرما٬ قافیه م کیمی من سینمیشام اؤزوم

❤️💕❤️💕❤️💕❤️💕❤️💕❤️💕❤️

 ای وفاسیز گوزلیم جان سنه قورباندی اینان 

اولماسان بوردا دا کونلوم سنه حیراندی اینان 

آیریلیق اولسا مین ایل گوز گئنه گوزلر یولووی 

گوزلرین درده سالیب دردیمه درماندی اینان 

گئزیرم یئر گویی هر گون سنی من آختاریرام 

دونیا سن سیز من اوچون غم دولی زنداندی اینان 

یانیرام اوزگه لیقین نان گوزلیم کاش بولسن 

بو ییخیلمیش اورگین دونیاسی ویراندی اینان 

یاشاماخ  یاردان اوزاخ اولماغا بنزیر گوزلیم 

گئتمیسن اولمه میشم  جان بونا پشماندی اینان