شعر محلی لری بختیاری

یار شی کردو مو هی سیل سره جاش ایکنوم 

ایگریوم زه غمش آه ودینداش ایکنم

تا خیالش به سروم ایزنه هر سوو ‍پسین

اینشینوم سر چشمه گله تی داش ایکنوم

یار با رحم تر از یار مو نیس من عالم

ار بخوا جونمه قربون دم باش ایکنوم

منتهی قاصد بیمروت بی اصل ونسب

الکی حرف چپی زی من دلت جاش ایکنوم

همه شو خین ایگریوم نه ایطور که ایگون

از وره ارس تیه خیس جلو جاش ایکنوم

هوکه زی کاره خراب که نبینه روز خش

تا دعامون بگره نرز یه دیگ آش ایکنوم

شاعر استاد جبار رضایی