🌹 اشعار زیبای ترکی ... 🌹

من صداقتله  یانان  جانیوا قربان ، آنا جان❤️

تک سنین خلقتیوا، اولموشام حیران، آنا جان⭐️

نه قَدَریازسا قلم ،  وصفیوی قاصیردی دیلیم❤️

وارلیغیم هم  نفسیم ، جانیما جانان ،  آنا جان⭐️

دوقّوز آی گوزله میسن چوخلی سئویجیله منی❤️

دردیمین قارشیلیغی سویله میسن جان، آنا جان⭐️

بو حقیقتّدی  یازام ،  خالق ثانی  سن  آنا❤️

وحی مُنزل من اوچون، جلوه ی ایمان، آنا جان⭐️

سن  باغیشلا من  اگر، بیلمه  میشم  قیمتینی❤️

تا جانیمدا جان اولا، باغلیدی پیمان ، آنا جان⭐️

عشق  و عاشقلیغی  گر آختارالار ،دنیا بویی❤️

بیرجه سنس بـو یولا منطق و برهان ، آناجان⭐️

چکمه ره م لیلی و شیرین و زلیخا ،  سوزونی❤️

بیر باخیش سن منه باخ، دردیمه درمان، آنا جان⭐️

آی دئسه م اینجیه رآی چونکی ایشیخ ، سنن آلیر❤️

هم گونش هم ده آییم ، خلقته امکان ، آنا جان⭐️

باشیوا من دولانیم ،  تا نفسیم وار دایاغ اول❤️

چونکی اوللم نفسین ، اولمیا بیر آن ، آنا جان⭐️

گوزوون شبنمینی ، گر گوره (شیدای زمان)❤️

قرق اولار دریا لارا، آند اولا قرآن ، آنا جان⭐️