🌹 اشعار زیبای ترکی ... 🌹

قورتاریب طاقتیم قورتارمیر غمیم

تیتره ین دیزلره   یازیغیم   گلیر

گزدیگیم یوللاردا یاغان یاغیشا

سیلنمیش  اِیزلره  یازیغیم گلیر

آخیب سان گؤزومدن سن یاش اولوبسان

پاییزدا یاپراق تک یامان سولوبسان

قارا بولوت اولوب ائله   دولوبسان

نیسگیللی  سؤزلره   یازیغیم گلیر

گیزلی جه سئومیشم سن گوزل یاری

یئتیر سؤزلریمی آی اولو   تاری

یئتیشسین سئوگیمه او بیلسین باری

آغلایان   گؤزومه   یازیغیم گلیر

«شاهیدین» سؤزونو سن اینانمادین

آیاق ساخلامادین یار   دایانمادین

الیمی  الینه  هئچ  آلانمادین

سارالمیش اُوزومه یازیغیم گلیر

                       *  شاهید کریم*