پاسخ به:🌹 اشعار زیبای ترکی ... 🌹
چهارشنبه 23 دی 1394 3:50 PM
☆ ائتسن ☆
بیر گون گوزلیم، کوی وفادن گذر ائتسن
حسرت ده یانان عاشقیوی بختوَر ائتسن
سئودا چَکه نین دردینی درک ائتمَگه خاطیر
اولدوزلاریلان بیر گئجه شامی سحر ائتسن
من غم یوکونو باغلارام اغیارین الیندن
سن درده گرفتار ائله مکدن حذر ائتسن
آنجاق کی غروب ائتمیه جک منده اومودلار
سالسان یادا اوز یارینی شقّ القمر ائتسن
بسلر سنی قوینوندا بو یوردوم آنالار تک
توپراقینی گرشوقیله کحل البصر ائتسن
جنت دی دئسم سوزلریمی غربته سالما
باشین اوجالار باشدا اونو تاج سر ائتسن
داش توپراقینی لعل دن افضل گوره جکسن
بیر لحظه کونول پنجره سیندن نظر ائتسن
(ائلدار) اونودولماز گوزلیم ائللر ایچینده
گر سن اونا جور ائتمَگیوی مختصر ائتسن
☆☆ خداوندا، اراده ام را به زمان کودکی بازگردان ☆☆
☆☆ همان زمان که برای یکبار ایستادن هزار بار می افتادم اما نا امید نمی شدم ☆☆
