پاسخ به:🌹 اشعار زیبای ترکی ... 🌹
سه شنبه 22 دی 1394 8:43 PM
اولان اولوب، كئچن كئچيب بلكه ده،
ايندي داها كؤورلمه يين يئري يوخ.
عؤمروم بويو بئله گليب منيم كي.
اوّليندن بيري واردي، بيري يوخ!
اوزاقدايدي من ايسته ين اوجاقلار،
اوره ييمدن گليب كئچدي سازاقلار،
آتالييدي،آنالييدي اوشاقلار،
بيزيم ائوده بيري واردي،بيري يوخ.
گؤزلريمه دولدورموشام ياغيشي،
بير كؤينكله چيخارميشام من قيشي.
شالوار-پئنجك گئيينردي تاي-توشوم،
منده ايسه بيري واردي، بيري يوخ.
اوزوم گولدو طلبه يم دئينده،
سيخيليرديم دوست پئنجه يي گئينده.
معلّمله ديل تاپا بيلمه ينده
قيمتيمين بيري واردي، بيري يوخ.
قلبيم ياندي ايلك سئوگيمدن،عشقيمدن،
دارا دوشدوم،ال اومماديم هئچ كيمدن
مجلسلرده جان دئييب، جان ائشيدن
دوستلاريمدان بيري واردي، بيري يوخ.
من اوردويا نه لر گؤروب گئتميشديم،
اوره ك آليب، اوره ك قيريب گئتميشديم.
ايكي قيزا كؤنول وئريب گئتميشديم،
قاييداندا بيري واردي، بيري يوخ.
اوزاق گزدي عمي، دايي، بي بي لر،
سؤز آراسي منه "ائولن" دئديلر
نيشان اوچون ايكي شئي ايسته ديلر
منده ايسه بيري واردي، بيري يوخ.
واخت گله جك، بو گونو گؤره جك سن،
چوخ سوالا گؤزونو دؤيه جك سن.
واخت گله جك سن اؤزون دئيه جك سن
دئيه جك سن:«بيري واردي، بيري يوخ!»
☆ نصرت کسمنلی ☆
☆☆ خداوندا، اراده ام را به زمان کودکی بازگردان ☆☆
☆☆ همان زمان که برای یکبار ایستادن هزار بار می افتادم اما نا امید نمی شدم ☆☆
