ماه مبارک رمضان+ تالار ادبیات

  اروجلوق بایرامی گلدی بشارت سيزلره ياران

بیر آی پاداشنی پروردگار ایستیر ویره الان

بیر آی اولدوخ قوناق اللهین امرین ایلدوق اجرا

اولا مين شوكر توفيق عبادت ايلدي احسان

قوشولدوخ بيزده ابراره هواي نفسي خوار ايتدوق

اروج دوتدوخ عبادت ایلدوق اولدو نقدر امکان

اگر چی هئچ عبادت شانینه لایق اولا بیلمز

باغشلار بنده نین تقصیرینی  اول ایزد منان 

گتورمز بنده نین عیبین یوزه ستار و رحماندور

باغشلار هر نقدر اولسا گناهی  قادر و رحمان

بو درگهده  قوناقیله قوناقه  فرق  قویماز

اولار احوالینه  شامل  قوناقین  رحمت و احسان

نه ایستیرسن گل ایسته  خرمن غفران و رحمتدی

بیره مین اجریوی ویرسین شب قدری ایدن  پنهان

 گل ای حق بنده سی ایله دعا صاحب زمان گلسین

جهانی دولدورا عدلیله  غربتدن   چیخا   قرآن

 ☆ محمد هوشمند ☆