شعر مازندرانی ( نواجش)

مِن شِه مارِ بِلارِه

تِه دستِ هيمهُ رَسِن بَوِردِه                          تِه قدِّ نِشاءُ خَرمِن بَوِردِه
اَتادَم راحِتِ دِنيا نَكِردي                                تِه عمر صحرا وَردِه تِند بَوِردِه

لالالالا خَسته تنِ بِلارِه                                شِه مارِ بوي پيرهَنِ بِلارِه
تِه مِه گَرِه دائي توءِ بِلارِه                             تِه شو مِسِّه نَشي خوءِ بِلارِه

مِسِّه لالا خوندِستي تا صِواحي                   مِسّه داشتي آرزوءِ بِلارِه
لالا دِل دارنِه اَرمونِ بِلارِه                              بي تِه دِنيا مِه زِندونِ بِلارِه

ته دوش مَشتِ هيمه مِن تِه بِلارِه                 تِه دست پِرِ پينه مِن تِه بِلارِه
يا نِشا كِردي يا مالِ پِه دَئي                         تِه سَرُ تَن خَسته مِن تِه بِلارِه

لالا چِشْ مَشتِ عَصريه بِلارِه                       تِه مِه دِنيايِ خِشيه بِلارِه
ِافتاب تِنِه دِلِ گوشه نَوونه                           ِبهار تِه دَستِ وَنوشه نَوونه

اگه دِنياي خِشي مِه بَووشه                      جان مارِ گَرمِ كَشه نَوونه
لالالالا شِه غَمخوارِه بِلارِه                          ِاسا وِنِه تَن نِخارِه بِلارِه

      بياين هممون همين الان اگه مادرمون از خودمون رنجونديم يا يه مدتيه بخاطر مشغله زندگي ازش بيخبريم اگه امكانش هست بريم دستشو ببوسيم وازش حلاليت بخواهيم و اگه امكان این کار نيست باهاش تماس بگيريم تلفني اين كار انجام بديم كه فردا خيلي ديره خيلي  .  .  .