اشعار دفاع مقدس

ای شرف اولکه سی نین قله ده قاپلانی شهید 
عشق باغین به زه ین لاله نعمانی شهید 
اگمه دون باشووی سن دوشمان خونخواره، یاشا 
شرف و شان و وقارین اولان عنوانی شهید 
سن شجاعت باغی نی قانلا سوار دون بوسبب 
اولمیسان باغی میزین اولکه ده باغوانی شهید 
سنی یاندیر مادی نمرود دیانین یانقین اودو 
اولایبدیر نفسون گورنئجه شیطانی شهید 
سن شجاعت قالاسین آچمادا دونیا اویانیب 
یایموسان عالمه سن شهرت ایرانی شهید 
آچمیسان عرش علاوه ظفرین شهپری نی 
شهرتون گورنه دوتوب عالم امکانی شهید 
طایر روحون اوچوب گوریده انالحق چاغیرئر 
قالدریبسان گویه سن مکتب عرفانی شهید 
انبیاء گویده اوجالدیب سنه لای لای سسی نی 
به زیب تانری سنه ی عرشیده رضوانی شهید 
قان ده نیزینده قیزیل گول تکی باخما اوزوسن 
کفنونده گوروم آیت قرآنی شهید 
ایندی هاجردی سنی زمزمیلن غسل وئریر 
بوجوشان چشمه یوار پیکر آلقانی شهید 
سن رضا اولمامیسان ملک وطن ویران اولا 
ای شرف اولکه سی نین قله ده قاپلانی شهید