پاسخ به:🌹 اشعار زیبای ترکی ... 🌹
سه شنبه 22 دی 1394 8:53 PM
ايسته ميرم يار آغلاسين
چال تاري قوي تار آغلاسين
گول اويناسين خار آغلاسين
بوغاز گولسون دارآغلاسين
قوي يئره غم پياله سين
سيل گوزونون شلاله سين
آل گونشين حواله سين
شاخ قارا قوي قار آغلاسين
يار ندن آغلاسين گرك؟
بويون بوكولسون آي فلك،
دويونجا قويمادين گولك
سيخ ناری قوی نار آغلاسين
خزان يئلی اسن زامان
شاختا آمان كسن زامان،
يار ياريلان كوسن زامان
كيمسه كيميم وار آغلاسين
صبحه تيكيلدی گوزلريم
داغلاری آشدی سوزلريم،
گيزلين الوودی كوزلريم
نی اولدو نی زار آغلاسين
ساقی گئتير قدح لرين
سرخوش اولاق درين درين
سئوگی توتا كينين يئرين
كين اوزو زار زار آغلاسين...
☆ استاد شهريار ☆
☆☆ خداوندا، اراده ام را به زمان کودکی بازگردان ☆☆
☆☆ همان زمان که برای یکبار ایستادن هزار بار می افتادم اما نا امید نمی شدم ☆☆
